Портпаролот на Кремљ, Дмитри Песков изјави денеска дека споредбата на британскиот министер за надворешни работи Борис Џонсон меѓу светскиот куп во Русија со олимпијадата во нацистичка Германија во 1936 година е одвратна и неприфатлива.
Тој порача дека таквата изјава на Џонсон е под негово ниво и под нивото на секоја земја. Џонсон вчера посочи дека Путин ќе се обиде да го употреби светскиот куп со цел да ја подобри сликата за Русија на истиот начин како и Хитлер на олимпијадата.
Тој ги повтори обвинувањата дека владата на Путин е одговорна за нападот на поранешниот шпион Сергеј Скрипал, бидејќи трагите за случајот водат до врвот на државата.