Српскиот претседател Александар Вучиќ изјави денеска дека компромис со Косово би се постигнал само ако двете страни отстапат од максималистички барања. Тој по средбата со романскиот претседател Клаус Јоханис посочи дека побарал од него вклучување во решавање на проблемот, бидејќи земјата ќе претседава со ЕУ на почетокот на 2019 година.
Според Вучиќ, Србија не го разгледува признавањето на Косово. Јоханис посочи дека решението за Косово мора да биде фер и одржливо и ја потврди подготвеноста за активно вклучување во решавањето на проблемот.