Во киргистанскиот главен град Бишкек денеска се одржаа протести на кои се бараат судски реформи и разрешување на корумпирани судии. Протестите започнаа пред седиштето на Врховниот суд, а продолжија пред зградата на Парламентот.
Демонстрантите презентираа листа од повеќе од 20 судии кои според нив се корумпирани и побараа нивна смена на функцијата. Некои од нив држеа и портрети на опозициски политичари кои како што наведоа, се затворени од политички причини.