Иран и Индија ветија дека ќе ја зголемат соработката со цел да го вратат мирот и стабилноста во Авганистан. Индискиот премиер Нарендра Моди ја соопшти одлуката по средбата со иранскиот претседател Хасан Рохани во Њу Делхи. Моди изјави дека двете земји имаат за цел да ги подобрат енергетските и регионалните транспортни врски преку кои ќе се стига до Авганистан и Централна Азија со развој на иранското пристанипте Чабахар.
Рохани истакна дека Иран и Индија се подготвени за заеднички вложувања во секоторот за гас и нафта. Според него, Авганистан мора да биде безбедна земја, при што Иран и Индија ќе соработуваат и за справување со ситуацијата во Ирак, Сирија и Јемен.