Ирански пратеник изјави дека околу 3.700 луѓе биле уапсени за време на антивладините протести, додека врховниот лидер ајатолахот Али Хаменеи тврди дека Техеран ги спречил обидите на САД и Британија да направат немири во земјата. Бројот на апсења што ги денеска наведе реформистичкиот пратеник Махмуд Садеги е значително повисок од оној што го изнесуваат властите.
Протестите во повеќе ирански градови избија на 28 декември поради високата стапка на невработеност во земјата и корупцијата. Некои демонстранти повикуваа на соборување на Хаменеи и на моќните конзервативни свештеници кои ја одржуваат исламската власт.
Хаменеи на Твитер ги повтори обвинувањата кои ги отфрлаат САД и други влади, дека зад протестите стојат САД и нивните сојузници.