На плоштадот „Македонија“ во центарот на Скопје во 12 часот традиционално се очекува доаѓањето на Дедо Мраз.
Годинава тој во Скопје ќе пристигне во еко мобил и ќе ни ја пренесе пораката дека мораме да ја чуваме планетата, да се грижиме за екологијата и дека секој од нас може и мора да продонесе за почиста животна средина.
Дедо Мраз ќе го пречекаат Златните Славејчиња и ќе ја одиграат претставата „Дедо Мраз во пензија“. Новата Година на сите деца во Скопје, како што е најавено, ќе им ја честита градоначалникот на град Скопје Петре Шилегов.
Градот Скопје од 23 декември на „Улицата на радоста“ на плоштадот „Македонија“ организираше новогодишен базар и забава за најмладите.