Американската администрација одобри план за испорака на оружје на Украина, соопштија официјални лица во Вашингтон. Одлуката за вооружување ќе го продлабочи учеството на САД во конфликтот во Украина и би можел да ги заостри руско-американските односи, јавува агенцијата Асошиејтед Прес. Новото оруќје ги вклучува противтенковските ракети Џавелин, наведуваат неофицијални американски извори. Овој потег на американските власти претставува дополнителна поддршка за украинската војска која се бори против бунтовниците на истокот од земјата, но и нова болна точка во односите меѓу Москва и Вашингтон, јавува АП.
Украина ја обвини Русија за праќање на тенкови во Украина, а САД наведуваат дека Москва ги обучува и вооружува бунтовниците. Стејт Департментот не ги потврдува овие информации за испорака на оружје, наведувајќи само дека САД планираат да ги зајакнат одбранбените капацитети на Украина.