Коридор 8 е нашиот приоритет. Тој е од животно значење за нашиот регион, изјави денеска бугарскиот премиер Бојко Борисов на почетокот на првата заедничка седница на владите на Македонија и Бугарија, што се одржува во Струмица.
Високата бугарска делегација претпладнето, во манастирот Водоча, крај Струмица, ја пречека македонскиот премиер Зоран Заев, кој истакна дека тој за него е прво пријател, а потоа колега.
Бугарскиот премиер рече дека без европска солидарност нема ниту економски, ниту европски развој.
Според него, за Бугарија регионот е приоритетна тема и денешната средба во Струмица е доказ токму за тоа.
Во моментов во Домот на АРМ во Струмица се одржува заедничка седница меѓу владите на Бугарија и Македонија, а на дневниот ред се девет договори од повеќе области и една заедничка декларација.