Премиерот Зоран Заев изјави денеска дека меѓународната заедница е информирана и се бараат начини за спроведување на меѓународна истрага за неразјаснетите околности поврзани со настаните во кумановската „Дива населба“ на 9 и 10 мај 2015 година. Тој порача дека не сака да има дилеми за неразјаснети работи кои се од интерес за граѓаните и верува дека ќе се најде начин како да се оформи меѓународна истрага за случајот.