В.д. претседателот на Основниот суд Скопје 1, Стојанче Рибарев, вчера поднел оставка на функцијата, информира денеска Судскиот совет. Во соопштението се наведува дека Рибарев на 20 октомври отворил боледување и го известил советот дека негова замена ќе биде судијата Диана Груевска Илиевска, а вчера поднел писмена оставка „од лични причини“.
Рибарев ќе продолжи да биде судија на Врховниот суд на Република Македонија.
Судскиот совет најави дека во најкраток можен рок ќе закаже и одржи седница и „ќе одлучува во рамките на своите законски надлежности“.
Стојанче Рибарев ја извршуваше функцијата в.д. претседател на скопскиот Кривичен суд Скопје од мај годинава.