Советникот на Белата куќа, Џаред Кушнер изјави денеска дека американскиот претседател Доналд Трамп останува многу посветен на постигнувањето мир меѓу Израел и Палестина. Кушнер, кој е зет на Трамп ја даде изјавата на почетокот на разговорите со израелскиот премиер Бенјамин Нетанјаху во Ерусалим. Кушнер подоцна ќе оствари средба и со палестинскиот претседател Махмуд Абас во Рамалах. Тој е предводник на делегацијата која има за цел да изнајде начини како да се поддржат мировните напори во регионот.
