Апелациониот суд денеска расправаше по жалбата на СЈО за неопределување мерка притвор за пратеникот на ДУИ, Ејуп Алими, кој е обвинет во случајот „Титаник 3“. Обвинителката Фатиме Фетаи пред судот изјави дека побарале притвор за обвинетиот бидејќи двајца од сведоците се плашеле за својата безбедност, оти Алими како пратеник на владејчка партија има моќ на влијание. Алими тврди дека е невин. Случајот на СЈО се однесува за уништување на изборен материјал.
