Претседателот Ѓорѓе Иванов го добил писмото од собраниските служби во кое претседателот на Собранието Талат Џафери го информира шефот на државата дека е конституирано парламентарно мнозинство, потврдуваат за Радио Слободна Европа од неговиот кабинет.
„Кабинетот на Претседателот потврдува дека е пристигнато писмо од Собранието на Република Македонија. Претседателот на Република Македонија, Ѓорге Иванов, ќе постапи согласно Уставот на Република Македонија и воспоставената практика“, наведуваат од неговиот кабинет како одоговор на прашањето дали е пристигнато писмото.
Собраниските служби претходно информираа дека го испратиле писмото. И лидерот на СДСМ, Зоран Заев по средбата со високи претставници на ОБСЕ денеска потврди дека писмото вчера било испратено до претседателот.