Иранските власти соопштија дека продолжуваат со мерките за забрана за влез на американски државјани во земјата како резултат одлуката на претседателот на САД, Доналд Трамп. На 6 март Трамп ја потпиша ревидираната наредба со која привремено се забранува издавањето визи за влез во САД на државјаните на Иран, Сирија, Судан, Либија, Сомалија и Јемен, која првично беше блокирана од страна на федерални судии. Според иранските власти, визите за американските државјани нема да се издаваат се додека на сила е одлуката на Трамп.