СЈО соопштии денеска дека поднело жалби до Основниот суд Скопје 1 против одлуката на Судот со која на обвинителките Катица Јанева и Фатиме Фетаи им беа изречени парични казни на рочиштето за насилството во општина Центар.
„Сметаме дека одлуката е незаконска, поради што го искористивме правото на жалба“, изјави Јанева.
Од СЈО посочуваат и дека поднеле претставки против судиите Александра Поп Стефанија и Лидија Петровска до Советот за утврдување на факти за утврдување нестручно и несовесно вршење на судската функција. Од обвинителството укажуваат и на несоодветната соработка на Здружението на јавните обвинители, бидејќи им е оневозможено да присуствуваат на Годишното собрание на здружението.