Зетот на Доналд Трамп советник во Белата куќа

Џаред Кушнер, зет на избраниот американски претседател Доналд Трамп ќе стане висок советник во Белата куќа кој ќе биде задолжен за трговска политика и Блискиот исток. 36 годишниот Кушнер ја доби оваа функција откако добил уверување дека тоа нема да претставува повреда на законите за анти непотизам. Позицијата не бара одобрување од Сенатот и Кушнер нема да добива плата за тоа. Кушнер е оженет за ќерката на Трамп, Иванка. Во меѓувреме, Трамп предвиде дека сите негови избраници за новата администрација ќе добијат одобрување од Сенатот.