Лидерот на Демократската Партија на Албанците, Мендух Тачи поднесе оставка од функцијата претседател на партијата. Оставката, која Тачи ја соопшти преку својата официјална фесјбук страна, е последица на големиот пораз кој партијата го доживеала на предвремените парламентарни избори на 11 декември.
Драги пријатели, поднесов неотповиклива оставка од функцијата претседател на ДПА и Управниот одбор на партијата. Демократската партија на Албанците колективно ќе ја води Управниот одбор до вонредниот конгрес, чиј датум на одржување ќе го одреди Централното собрание на партијата. За координатор на активностите е наименуван генералниот секретар Азем Садику, а јас ќе останам доследен поборник на Демократската Партија на Албанците, напиша Тачи на неговиот Фејсбук профил.