Договорот за климатски промени денеска стапува во сила со што 200 земји во светот ќе треба да почнат да ги спроведуваат плановите за намалување на нивната емисија на штетни гасови. „Ова е момент за славење“, изјави шефицата на Обединетите нации за климатски прашања Патриција Еспиноза. Парискиот договор има за цел да се намали глобалното затоплување со тоа што ќе се ограничи испуштањето на штетни гасови во атмосферата.
