Турскиот премиер Бинали Јилдирим изјави дека неговата земја е подготвена да преземе мерки во Ирак бидејќи не е задоволна од ветувањата на Вашингтон и на Багдад за улогата на курдските екстремисти и шиитски милиции во борбите кои се водат за ослободување на Мосул. Тој додаде дека Турција не може да седи со скрстени раце поради ситуацијата во Ирак, со оглед дека со земјата има граница долга 350 километри.
Ирачкиот премиер Хајдер ал Абади на вчерашната средбата со американскиот секретар за одбрана Ештон Картер повторно одби Турција да учествува во офанзивата за ослободување на Мосул од милитантната група Исламска држава.