Демонстрантите на „шарената револуција“ ги подготвуваат боите пред Специјалното јавно обвинителство од каде протестот ќе го продолажт пред Собранието. Шарената револуција денешниот протест ќе го посвети на стрип - јунакот Пецко, со што ќе му оддадат почит на легендарниот карикатурист Дарко Марковиќ.
Во најавите на социјалните мрежи демонстрантите од „Шарената револуција“ велат дека остануваат силни и продолжуваат да одбројуваат до рокот за исполнување на нивните барања за кои, како што велат, остануваат уште 8 дена.
„Уставниот суд да се произнесе за уставноста на СЈО и да запре прогонот на демонстрантите, односно да се повлечат сите пријави од МВР заради учество во протестите. Борбата продолжува се додека не се врати правда и демократија во оваа наша држава“, се вели во најавата.