Во напад на Талибанците на судница во источниот дел на Авганистан бил убиен еден обвинител и уште најмалку 6 лица. Нападот на судот во Пули Алим во покраината Логар се случил за време на назначувањето на новиот главен обвинител Мохамед Акрам Нејат. Министерството за внатрешни работи соопшти дека 21 лице, вклучително и 6 полицајци биле повредени. Според министерството, сите напаѓачи биле убиени од безбедносните сили.