Во Македонија ќе биде променливо облачно со повеќе сончеви периоди. Локални врнежи од дожд се можни во претпладневните часови во источните делови на земјата. Утринската температура ќе се движи од шест до 12, а дневната од 13 до 19 степени. Во Скопје ќе преовладува сончево време со умерена облачност и со слаб до умерен ветер претежно од северозападен правец. Утринската температура ќе се спушти до 10, а дневната ќе се искачи до 17 степени.
