Холандскиот амбасадор Ваутер Пломп вели дека огромниот број на реакции по синоќешното интервју ја докажува уште еднаш важноста на медиумите за демократските процеси во државата и нивното значење за граѓаните.
„Содржината на програмата треба да биде оценета од телото за саморегулација на медиумите и од државното регулаторно тело, односно Агенцијата за аудио и аудиовизуелни услуги, имајќи предвид дека – според македонското законодавство – телевизиските станици треба да обезбедат еднаков третман на различните гледишта и ставови. Ова е и една од причините поради која е значајно утрешното потпишување на Спогодбата за етичко известување и искрено се надевам дека повеќето медиуми ќе и се приклучат“, вели во писмената изјава амбасадорот Пломп.