Бан Ки Мун побара поактивна борба против екстремизмот

Генералниот секретар на Обединетите нации Бан Ки Мун ги повика 193 земји членки на оваа организација да развијат национални планови за дејствување и спречување на ширењето на насилниот екстремизам. Тој во извештајот до Генералното собрание наведува дека најголема закана е брзото ширење на екстремистичките идеологии на што му помага и технолошката револуција. Бан Ки Мун оценува дека националните планови треба да бидат насочени кон унапредување на дијалогот, намалување на недовербата, инвестирање во образованието и отворање работни места.