Министерството за вантрешни работи соопшти денеска дека околу 300 до 400 мигранти од територијата на Грција се обиделе да стигнат до крајот на оградата по граничната линија меѓу земјата и Македонија. Според МВР, мигрантите сакале илегално да ја преминат границата кон Македонија, но биле спречени од полициските службеници и вратени на грчката страна. МВР од неодамна не им дозволува влез на економските мигранти, туку само на бегалците од земјите зафатени со војна.
