Генералниот секретар на НАТО, Јенс Столтенберг изјави денеска дека Алијансата подготвува нови мерки за поддршка на Турција. Според него, мерките биле планирани пред Анкара да го собори руски воен авион на границата со Сирија. Говорејќи на состанокот на министрите за надворешни работи на 28 земји-членки на НАТО во Брисел, Столтенберг повторно ги повика Турција и Русија да ги смират тензиите и да изнајдат начин да спречат повторно создавање на таква ситуација.