Лекарскиот колегиум на Универзитетска клиника за дигестивна хирургија во Скопје денеска соопштија дека се згрозени од обидот за убиство на нивниот колега и од реакциите на јавноста. Тие нагласија дека читаат за се посилни повици за линч на лекарите и ширење на лажни информации. Тие најостро го осудуваат говорот на омраза во јавноста искажан преку социјалните мрежи, односно пишаните и електронските медиуми. Според лекарите, се деградираат професионалци кои со љубов и пожртвуваност ја работат својата хумана професија.
Како израз на револт и разочараност, како што наведуваат едногласно донеле одлука дека денеска, утре и задутре нема да се оперираат елективни случаи и да се вршат елективни амбулантски прегледи. Оттаму, посочуваат дека итните случаи соодветно ќе бидат згрижувани.