Шефот на НАТО, Јенс Столтенберг изјави денеска дека Алијансата ги спроведува најголемите вежби по повеќе од една деценија со цел да ги тестира своите можности и да испрати јасен сигнал до Русија и можните непријатели дека нивните капацитети се реални.
Од почетокот на вежбите на 19 октомври во Шпанија, 36 илјади војници од 30 земји, како и десетици авиони и воени бродови земаат учество во нив. Вежбите би требало да завршат на 6 ноември. Според Столтенберг, НАТО не бара да се конфронтира со некого, туку да покаже дека Алијансата е подготвена да ги брани своите сојузници.