Американскиот Сенат го изгласа договорот за две годишен буџет со што се избегнува можноста за евентуални проблеми при финансирањето на владата. Претходно овој договор беше усвоен од Претставничкиот дом и сега треба да го потпише претседателот Барак Обама. Со новиот договор се зголемува буџетската потрошувачка за 80 милијарди долари. Договорот беше постигнат во двенеделните преговори меѓу Белата куќа и тогашниот спикер на Претставничкиот дом, републиканецот Џон Бенер. Тој се повлече од функцијата откако вчера на негово место беше избран републиканецот Пол Рајан.
