Ирачките власти соопштија дека нивните сили ја преземале контролата од милитантите на Исламската држава на клучна нафтена рафинерија која се наоѓа северно од Багдад. Генералот Јахја Расул изјави и дека ирачките сили заедно со паравоените сили ја преземале контролата и врз градот Баиџи.
На националната телевизија беа прикажани видеа како војниците вејат ирачки знамиња од покривите на куќите. Милитантите ја освоија рафинеријата и градот за време на нивната офанзива во јуни минатата година.