Најмалку 30 илјади лица се вмешани во шверц на мигранти и бегалци во Европа, изјави директорот на Европол Роб Вајнрајт за грчкиот весник „Катимерини“. Според него, групите обично биле формирани од ситни криминалци од Сирија, Турција, Ирак и Грција. Шефот на Европол рече дека 15 Сиријци и Египќани, кои беа уапсени во Атина во март заработиле 7,5 милиони евра од трговија со луѓе. Роб Вајнрајт посочи дека бандите често се занимаваат и со друг вид шверц, како шверц на оружје и дрога.
