РСЕ во кумановската Дива Населба

Експлозии и истрели одекнуваат цел ден од кумановска Дива населба. Полицијата од рано утрината води жестоки улични борби со вооружена група, која, како што соопштуваат властите, се уфрлила од една соседна држава. Жителите од околината уплашени не излегуваат надвор. Тишината по улиците околу кумановската Дива населба ја нарушуваат експлозии и истрели. Над населбата се дига црн чад, се забележат хеликоптери и постојано се слушаше зуење од беспилотно летало.