Во Москва знамињата се на половина копје, а сите културни и забавни приредби се откажани во знак на жалост за 22 жртви од вчерашната несреќа во градското метро. Во излетувањето на три воза до кое дошло поради технички дефект, беа повредени 130 луѓе. Властите ја исклучија можноста дека станува збор за терористички чин. Станува збор за најтешка несреќа во 79 годишната историја на московското метро.
