Поројните дождови во поголемиот дел на Балканот доведоа до големи поплави во повеќе региони, а најтешко се погодени делови од Србија и од Босна и Херцеговина.
На Балканот, поројните дождови предизвикаа поплави на многу места, во кои досега настрадаа неколку лица, а многумина беа принудени да ги напуштат своите домови.
Во централна Србија е прогласена вонредна состојба.
Во Босна и Херцеговина, стотици луѓе во западните предградија на Сараево беа евакуирани, а ситуацијата е критична и во повеќе населени места северно од Сараево.
Метеоролозите предвидуваат врнежи од дожд и во наредните денови.
