Генералниот секретар на ОН Бан Ки Мун препорачува уништувањето на сириското хемиско оружје да биде надгледувано од тим од инспектори на ОН и Светската организација за забрана на хемиското оружје, во кој ќе бидат вклучени 100 луѓе. Во писмото на Бан Ки Мун до Советот за Безбедносот тој наведува дека ОН треба да бидат задолжени за задачи што вклучуваат комуникација и координација со сириската влада и бунтовничките групи.Бан рече дека Организацијата за забрана на хемиското оружје треба да раководи со техничките консултации, контролата и инспекцијата. Писмото од 11 страници на Бан Ки Мун доаѓа по резолуцијата постигната минатиот месец со која се наредува да биде уништено сириското хемиско оружје и се препорачува во тоа да имаат улога Обединетите Нации.