Во Регионалниот синдикат во Куманово велат дека најнезаштитени и синдикално се неорганизирани работниците во чевларските, но и во текстилните претпријатија.
Синдикалното организирање на вработените во приватните фирми во Куманово не е многу популарно. И покрај тоа што некои од малите стопанственици декларативно прифаќаат нивните работници да бидат членови во синдикалната организација, сепак кога треба да ги остварат загрозените права, работниците од страв да не го загубат работното место не бараат помош од синдикатот.
Во Регионалниот синдикат во Куманово велат дека најнезаштитени и синдикално се неорганизирани работниците во чевларските, но и во текстилните претпријатија, поради што и најавено зачленување на стотина нови работници во оваа организација од една текстилна фабрика би било успех, вели Миле Спасовски.
„Како регионална канцеларија во Куманово посетивме една од фирмите, разговаравме со вработените и со сопственикот, има расположение за зачленување. Навистина тешко оди зачленувањето на работниците во приватниот сектор. Од една страна, работодавачите, голем број од нив, нè гледаат како непријатели, како фактор кој влијае на нивното финансиско загрозување. Сепак, ние разговараме за елементарните права на вработените.“
Вината е и кај самите вработени кои сметаат дека доколку се зачленат во синдикатот, сопственикот ќе ги избрка од работа.
„И тоа е еден голем проблем кој мора да се реши бидејќи само организирани работниците ќе можат да ги остварат своите права.“
Јавна тајна е за фиктивната исплата на платата на работниците, колку синдикатот тука може нешто да смени, Спасовски вели:
„Уште кога се донесе законот за минимална плата со трудова инспекција посетивме неколку фирми во Куманово и немаше прекршувања. Можеби има злоупотреби, треба некои механизми да се применат, но тука државата преку инспекциските органи треба да делува.“
Во Куманово, некогашен индустриски град кога и синдикалното организирање на вработените било масовно, сега има само околу три илјади членови.
РСЕ: Дали таа бројка е компатибилна со бројот на вработените?
„Не е, секако дека не е, особено во приватниот сектор. Се надеваме дека работниците ќе се свестат дека само Сојузот на синдикатите на Македонија може да им помогне во остварување на нивните права“, вели Спасовски.
Како регионална канцеларија во Куманово посетивме една од фирмите, разговаравме со вработените и со сопственикот, има расположение за зачленување. Навистина тешко оди зачленувањето на работниците во приватниот сектор. Од една страна, работодавачите, голем број од нив, нè гледаат како непријатели, како фактор кој влијае на нивното финансиско загрозување. Сепак, ние разговараме за елементарните права на вработените.Миле Спасовски, Регионален синдикат во Куманово.
Во Регионалниот синдикат во Куманово велат дека најнезаштитени и синдикално се неорганизирани работниците во чевларските, но и во текстилните претпријатија, поради што и најавено зачленување на стотина нови работници во оваа организација од една текстилна фабрика би било успех, вели Миле Спасовски.
Миле Спасовски, Регионален синдикат од Куманово.
„Како регионална канцеларија во Куманово посетивме една од фирмите, разговаравме со вработените и со сопственикот, има расположение за зачленување. Навистина тешко оди зачленувањето на работниците во приватниот сектор. Од една страна, работодавачите, голем број од нив, нè гледаат како непријатели, како фактор кој влијае на нивното финансиско загрозување. Сепак, ние разговараме за елементарните права на вработените.“
Вината е и кај самите вработени кои сметаат дека доколку се зачленат во синдикатот, сопственикот ќе ги избрка од работа.
„И тоа е еден голем проблем кој мора да се реши бидејќи само организирани работниците ќе можат да ги остварат своите права.“
Јавна тајна е за фиктивната исплата на платата на работниците, колку синдикатот тука може нешто да смени, Спасовски вели:
„Уште кога се донесе законот за минимална плата со трудова инспекција посетивме неколку фирми во Куманово и немаше прекршувања. Можеби има злоупотреби, треба некои механизми да се применат, но тука државата преку инспекциските органи треба да делува.“
Во Куманово, некогашен индустриски град кога и синдикалното организирање на вработените било масовно, сега има само околу три илјади членови.
РСЕ: Дали таа бројка е компатибилна со бројот на вработените?
„Не е, секако дека не е, особено во приватниот сектор. Се надеваме дека работниците ќе се свестат дека само Сојузот на синдикатите на Македонија може да им помогне во остварување на нивните права“, вели Спасовски.