Министертвото за внатрешни работи поднесе кривични пријави против седум момчиња поради сомнение дека учествувале во нападот врз неколку патници во автобусот со број 58 на 7-ми март. Во соопштението од Министертвото е наведено дека тие се осомничени за насилство, загрозување на безбедност и оштетување на автобусот. Вчера во полициската станица Гази Баба, повредените патници ги препознале „тепачите“ кои ги нападнале со метални прачки и дрвени палки. Приведените осомничени денеска ќе дадат изјава пред истражен судија.