Комитетот за човекови права на ОН денеска треба да ја започне расправата на која ќе се дискутира за намалување на смртните казни и на другите строги казни во Иран. Иранските претставници ќе бидат испрашувани од 18 независни експерти кои го сочинуваат Комитетот на ОН што ја следи имплементацијата на граѓанските и политичките права во светот. Иран ќе биде испрашуван два дена, а за тоа време ќе се разгледа извештајот за спроведување на правата напишан на 224 страни. Предвидено е расправата да резултира со заклучоци на експертите. Последен пат, ваков извештај за Иран пред Комитетот се нашол во 1993 година, кога експертите го осудиле екстремно високиот број на изречени и спроведени смртни казни.
