Шефот на руската служба за борба против дрогата Виктор Иванов денеска изјави дека руските погранични службеници треба да се вратат на таџикистанско-авганистанската граница. Иванов и претходно даваше вакви изјави но денеска додаде и објаснување според кое кога руски полицајци патролирале на таа граница, резултатот на годишно ниво бил 5 тони заробен хероин, додека сега тоа количетво е намалено на 200 килограми годишно. Иванов смета дека враќањето на руските граничари на таџикистанската граница е политичко прашање што треба да го разгледаат двете влади. Иванов додаде дека Русија ќе им даде финансиска помош на Казахстан, Киргистан и Таџикистан да се борат против трговијата на дрога.