Грчкиот премиер Јоргос Папандреу предложил влада на национално единство, јавува грчката државна телевизија. Денеска Папандреу се обидува да добие поддршка за мерките за штедење, кои ги бараат Европската унија и Меѓународниот монетарен фонд . Тој мора да протурка план за зголемување на даноците, намалување на расходите и приватизација на државниот имот, за да добие нова транша од ММФ и ЕУ. Претходно, грчката полиција употреби солзавец за да ги растера демонстранти пред парламентот, кои се спротиставуваат на новите мерки за штедење. Во судирите беа повреднеи 7 луѓе, меѓу кои и еден полицаец.