Денеска официјално ќе биде отворен Меморијалниот центар на холокаустот на Евреите од Македонија со внесување на три урни со пепел од концентрацискиот логор Треблинка каде што во 1943 година беа депортирани и убиени 7.148 македонски Евреи Урните се донесени во земјава во 1961 година и досега беа изложени во Битола, Скопје и во Штип. Меморијалниот центар е изграден во некогашното Еврејско маало во Скопје. Тој ќе биде четвртиот во светот посветен на жртвите на холокаустот - По повод отворањето на Меморијалниот центар во посета на Македонија претстојува вицепремиерот и министер за стратешки прашања на Државата Израел Моше Јалон.
