Квартетот за мир на Блискиот исток ги повика Израел и Палестина итно да ги продолжат мировните преговори, поради немирите во Египет и другите арапски земји. Повикот беше упатен по средбата меѓу американскиот државен секретар Хилари Клинтон, шефот на ОН Бан Ки Мун, шефот за надворешна политика Кетрин Ештон и рускиот министер за надворешни работи Сергеј Лавров. Според квартетот поради настаните на Блискиот исток понатамошни одложувања на преговорите може да бидат штетни за регионалниот мир и безбедност.
