Протестите на албанската опозиција почнаа денеска во Тирана и во уште три албански градови. Агенциите јавуваат дека засега немало инциденти. Опозиционата Социјалистичка партија бара вонредни парламентарни избори, но тоа не го прифаќа владејачката Демократска партија на премиерот Сали Бериша. На протестите пред две недели во судирите меѓу демонстрантите и полицијата загинаа три лица, а над 150 беа повредени.
