Во Скопје денеска почнува судскиот процес по тужбата на германскиот државјанин со либанско потекло Калед ел Масри против Македонија кој тврди дека во 2003 година бил киднапиран од македонските власти и предаден на агенти на ЦИА, кои потоа четири месеци го мачеле во таен затвор во Авганистан. Тој бара оштета од 50.000 евра и извинување. Ел Масри против Македонија води процес и пред Европскиот суд за човекови права, откако не успеа да покрене процес пред судовите во САД и Германија.