Истрели од огнено оружје одекнаа во центарот на Каиро утрово. Продолжуваат насилните протести против владеењето на претседателот Хосни Мубарак. Како што јавуваат медиумите, тројца анти-владини демонстранти загинале во судирите во Египет утрово. Вчера деветдневните протести станаа понасилни. Три лица загинаа а најмалку 600 лица беа повредени кога про-владините активисти ги нападнаа анти-владините демонстранти со камшици. Насилството изби еден ден откако актуелниот претседател изјави дека ќе отсатапи од функцијата во септември, кога ќе му истече мандатот.