Неколку денови по враќањето во татковината по децении егзил, поранешниот диктатор на Хаити Жан Клод Дувалие сакал да ја напушти земјата. Новинските агенции јавуваат дека диктаторот познат под името Бејби Док чекал да му биде издаден нов пасош за да може да се врати во Франција. Владата на Хаити демантира дека му наредила на поранешниот диктатор да ја напушти земјата. Против него вчера на Хаити беше покренато обвинение за тортура и злосторства против човештвото.
