Собранието на Република Македонија ќе ја одржи 136-тата седница, на која ќе се расправа за Информацијата за состојбата со откупот на тутунот, поднесена од група пратеници од опозициските партии. Одгледувачите на тутун веќе неколку недели протестираат во повеќе градови во Македонија поради незадоволството од откупните цени на тутунот. Тие најавија дека денеска ќе се соберат пред зградата на Собранието за време на седницата.
