Премиерот Никола Груевски изјави дека владата годинава ќе продолжи со спроведување на реформите за влез во ЕУ. Таа усвоила Акционен план во кој е предвидено да бидат донесени над 60 закони и околу 450 подзаконски акти, како и други кои не се директно побарани од Брисел. Груевски најави реформи во јавната администрација, како и проекти во економијата, судството, земјоделството и други области кои ги засегаат граѓаните. Тој додаде дека значајни ќе бидат измените во законот за градба, бидејќи ќе го олеснат процесот на вадење на градежни дозволи.