Македонскиот премиер Никола Груевски во Лондон се сретна со неговиот британски колега Дејвид Камерон. На средбата двајцата премиери разговарале за развојот на билатералните односи, политичката и економската состојба на Македонија и за спорот со името со Грција, јавува новинската агенција МИА. По средбата Груевски изјавил дека Камерон покажал интерес за спорот со името и оти Британија ја поддржува Македонија и подготвена е да и помогне во исполнувањето на сите стратегиски цели. При дводневната посета на Лондон, Груевски ќе учествува и на Евопскиот лидерски форум во рамките на Неделата посветена на бизнисот.
