Во Грција денеска стартуваа локалните избори. Право на глас имаат 9,8 милиони луѓе. Овие избори ќе претставуваат своевиден тест за владата на Јоргос Папандреу за тоа колкава е поддршката од граѓаните за антикризни мерки што ги спроведува владата за намалување на буџетскиот дефицит. Спроведувањето на овие мерки е услов што Грција мора да го исполни ако сака да добие заеми од ЕУ и ММФ во вредност од 110 милијарди евра. Грчкиот премиер Папандреу вчера рече дека доколку граѓаните не ја поддржат ПАСОК на овие локални избори , тогаш тој ќе распише предвремени парламентарни избори. Според излезните анкети, се очекува ПАСОК да добие мнозинство од гласовите, но можно е да претрпи и мали порази во некои региони.
